افواج پاکستان کے منہ توڑ جواب سے بھارت بوکھلا گیا ہے، وزیراعظم آزادکشمیرراجہ فاروق حیدرخان

وزیر اعظم آزادجموں وکشمیر راجہ محمد فارو ق حیدرخان نے کہا ہے کہ افواج پاکستان نے سیز فائرلائن پر مسلسل جارحیت کرنے والی بھارتی فوج کے دانت کھٹے کیے ہیں۔ افواج پاکستان کے منہ توڑ جواب سے بھارت بوکھلا گیا ہے۔انہوں نے کہاکہ بھارت مقبوضہ کشمیر کی صورتحال سے توجہ ہٹانے کےلئے ہمیشہ سیز فائر لائن پر معصوم آبادی کو نشانہ بناتا ہے اگر آزادکشمیر پر حملے کی جرات کی تو اگلے پچھلے سارے حساب برابر کرینگے آزادکشمیر کا ہر پیروجوان دفاع وطن کے لیے پاک فوج کے شانہ بشانہ لڑیگا۔مقبوضہ کشمیر میں ظلم و بربریت کا جو بازار گرم ہے اس سے دنیا کو اوجھل رکھنے کےلئے بھارت مکروہ چالیں اور اوچھے ہتھکنڈے استعمال کرتاآیا ہے لیکن دنیا اب بھارت کے مکر و فریب کو جان چکی ہے۔انہوں نے کہاکہ مقبوضہ کشمیر میں کرونا سے بچاو کےلئے کشمیریوں کو طبی سہولیات جان بوجھ کر نہیں فراہم کی جارہی ہیں جبکہ کرونا کی آڑ میں کشمیری نوجوانوں کو جعلی مقابلوں میں شہید کیا جارہا ہے۔ وزیر اعظم نے کہاکہ لائن آف کنٹرول پر بسنے والے کشمیری افواج پاکستان کے شانہ بشانہ دفاع وطن کےلئے برسر پیکار ہیں۔انہوں نے کہاکہ بزدل بھارتی فوج سیز فائر لائن پر نہتے کشمیریوں کو نشانہ بنا رہی ہے جس کی شدید مذمت کرتے ہوے اقوام متحدہ سے مطالبہ کرتا ہوں کہ وہ اس کا نوٹس لے۔پاک فوج نے سیز فائرلائن پر بھارتی فوج کو منہ تو ڑ جواب دیکر کشمیریوں کے حوصلے مزید بلند کر دیے ہیں ، پاک فوج نے سیز فائر لائن پر بھارت کے فوجیوں کو نشانہ بنا کر بتا دیا ہے کہ افواج پاکستان خونی لکیر کے دوسری طرف شہریوں کو نشانہ نہیں بناتی۔ کرونا وائر س کی آڑ میں مودی جعلی مقابلوں کے ذریعے کشمیریوں نوجوانوں کو شہید کروارہا ہے جس پر سخت تشویش ہے۔ بزدل ہندوستانی فوج پاک فوج کا مقابلہ نہیں کر سکتی اس لیے سیز فائرلائن پر معصوم شہریوں کو نشانہ بناتی ہے۔وزیراعظم کا بھارتی فوج کی فائرنگ سے شہید ہونے والی خاتون کے ورثاءسے اظہار تعزیت۔انتظامیہ کو زخمیوں کو بہترین طبی سہولتیں فراہم کرنے کی ہدایت۔ اپنے بیان میں وزیر اعظم نے کہاکہ سیز فائر لائن کے دونوں جانب بسنے والے کشمیری افواج پاکستان سے پیار کرتے ہیں اور اسے اپنی محافظ فوج سمجھتے ہیں۔ افواج پاکستان نے کبھی خونی لکیرکے دوسری جانب کسی شہری کو نشانہ نہیں بنایا جبکہ ہندوستان کی فوج ہمیشہ شہری آبادی کو نشانہ بنا کر اپنی بزدلی دکھاتی ہے