وزیراطلاعات آزادکشمیرراجہ مشتاق احمدمنہاس کا سینیٹر مشاہداللہ خان کی وفات پر اظہار افسوس

مسلم لیگ ن کے چیف آرگنائزر وزیر اطلاعات،سیاحت،سپورٹس و امور نوجوانان راجہ مشتاق احمد منہاس نے سینیٹر مشاہداللہ خان کے انتقال پر رنج و غم کا اظہار کیا ہے۔اپنے تعزیتی پیغام میں وزیر اطلاعات نے کہا کہ سینیٹر مشاہداللہ خان کے انتقال پر بہت دکھ ہوا۔انہوں نے کہا کہ سینیٹر مشاہداللہ خان کے انتقال سے مسلم لیگ ن ایک انتہائی تجربہ کار شخصیت سے محروم ہوئی۔انہوں نے سینیٹر مشاہداللہ خان کی سیاسی خدمات کو خراج عقیدت پیش کرتے ہوے دعا کی کہ اللہ پاک سینیٹر مشاہداللہ خان کے درجات کو بلند فرمائے اور ان کے خاندان کو صبر جمیل عطا فرمائے۔